كلمات ترنيمة مستغربة :
♫ مستغربة ♫
◄ مستغربة ان انت لسة بتحبني وانا ماستاهلكش
رغم اللي فيا صابر عليا ومستحملني ومابتزهقش
بصراحة باستكتر عليا الحب ده ما انا حاسة نفسي ما انفعكش
◄ ماعرفش ليه وازي قابلني وانا رافضة نفسي وحالي صعب
طب إيه اللي عاجبك فيا هو انا فيا ايه اصلاً يتحب
بجد عمري ماشفت صبر طويل كدة بجد باستغرب يارب
◄ ما انا أصلي ياما حاولت إني أبقى أحسن من كدة
لكن فشلت وكنت بارجع أبقى أوحش من زمان
لكن أكيد فيه حل عندك يارب انا متأكدة
ما هو انت بالذات مش هاتفشل فيا ابداً مهما اكان
◄ انا محرجة مكسوفة من حبك يا رب ورحمتك
أنا عارفة إني وحشت شكلي بس أملي ف لمستك
رجعني تاني يارب أجمل وشيل وحاشتي وخبي ضعفي ف نعمتك
◄ كان لازم اجي من بدري حتى لو كنت هاجي متوجعة
لو مهما كان هاخد أمان مش هابقى راجعة مدمعة
بقالي مدة مابحسش اني متطمنة بس النهارده متشجعة
◄ أنا جاية ليك وانا عارفة إني هارجع احسن من كدة
عشان انت عندك حلول لحالتي ولحالات أصعب كمان
أنا ممكن افشل بس انت لأ .. يارب انا متأكدة
مش ماشية غير وانت مداويني ومالي قلبي بالأمان
0 comments:
إرسال تعليق