بتهرب منى دمعاتى وتنزل تجرى فوق خدى و ببكى كتير بدون تفسير كأن دموعى جت ضدى و رغم ده كله بتحمل عشان حزنى ميقتلنيش و اعافر كل اوقاتى و مبقاش فيه هدف عندى غير انى ارضيك و اقرب ليك و لو يحصل هكون مرضى , ضعيف او محنى راح اكمل دنا ميت و نفسى اعيش
بشوف النسر فوق عالى و انا مرمى على ارضى بشوفه و اغييير و بحلم اطير لكن حلمى اوام يمضى ,مفيش نسر بجناج مطوى ,جناح لكن مبيعليش و بتندم على حالى و اقول خلينى على قدى
لكن و انا بيك و ماسك فيك راح اعلى لانى مش وحدى انا جايلك يا رب اطوى سنين بعدى و متسبنيش
ساعات بضحك بقصد عشان احسس نفسي ان انا فرحان و عشان منساش شكل الفرحه و مخدش علي وجود الاحزان .. و ساعات من خلق تلقي احساس انا ببعد عن عيون الناس و ابكي و دمعه تجيب دمعه علشان محتاج ابكي و خلاص
انا كل حياتي متلخبطه متخبطه كل المشاعر محبطه مخنوق الاقي احلام جوايا و عماله تموت خطوات رجليا متنطورة متأخرة انا ماشي بس ماشي لورا نفسي اصرخ من يأسي لكن مش طالع صوت
حاولت كتير لوحدى اعيش لكن ضعفي ماسعدنيش يا يسوع من غيرك معرفتش و عندى فى نفسي منفعنيش .. انا لوحدى حياتي ضياع و كل أمالى صارت برضاه يارجعلك لافضل فى مشاكلى أنت اللى هتعدلى الأوضاع
انا اتعلمت من غلطتى و خطيتى .. كانت اعتمادى على قوتى ..كل اللى اختارته لنفسى ..ماكنش نهايته نجاح .. انا جاى بشلتى و سبتلك ..سلمتلك ..خلاص يارب انا رجعتلك ..شيل جرحى اللى معلم فيا ..انا نفسى ارتــــــــــــــــــــــــــــــاح ..
