كلمات ترنيمة كنت جاى احكى مكتوبة :
أول مرة اكون جايلك عشان اقعد براحتى معاك
واقوللك ع اللي جوايا وافضفض بالكلام وياك
والاقي نفسي مش بانطق ومش عارف أقولك إيه
ماقلتش كلمتين على بعض وماعرفش الكلام راح فين
ومن ساعة ماجيت ساكت وبدل الساعة فاتو اتنين
وكل ما اقول هاقول ماباقولش ومش عارف أنا ساكت ليه
يارب انا كنت جاي احكي لكن فجاة لاقيتني بكيت
فسبت الدمع يتكلم وقلت أكيد .. أكيد حسيت
عشان عارفك بتفهمني ومش محتاجنى اقول حكايات
بصراحة الدمع ريحني ووفر من كلامي كتير
وطلع خنقتي مني وتعبي وحيرة التفكير
كأني حكيت معاك بالظبط بس حكيت بدون كلمات
مافيش ف الدنيا شئ أحسن من القعدة معاك يايسوع
سواء قلت اللي جوايا كلام او حتى قلته دموع
ما دايماً آخرة القعدة معاك إنى باكون مرتاح
خسارة افضل كدة بيني وبين نفسي حزين محتار
ده انا لو قايدة نار فيَّ قعادي معاك هايطفي النار
ولوشفت انها اتقفلت .. أكيد انت معاك مفتاح
0 comments:
إرسال تعليق