كلمات ترنيمة جايلك ندمان - المرنمة فيفيان السودانية - ترانيم فيديو ومكتوبه

كلمات ترنيمة جايلك ندمان مكتوبه:

أنا جاى عندك عايز أقولك إن أنا ندمان
آسف على غلطى فى حقك ومليان أحزان
والقلب إللى كنت ماليه راجع يقول
بعد ما ترجع تسكن فيه ممنوع الدخول
ده انا جاى طالب الغفران
وفى رحمتك انا عشمان.. عشمان

اسمك بإيدى ده انا بغرق وبنادى عليك
وانت بتيجى دايماً للى بيلجأ ليك
(مرتين )

مبقتش قادر أغمض عينى ولا تهدا افكارى
تعبان قوى وحالتى صبحت فوق احتمالى
يا أبويا ومليش غيرك يرحمنى ويرأف بحالى ( ويرأف بحالى )

انت عارف انى بحبك واتمنى رضاك
واملى اقضى العمر فى قربك وافضل كده وياك
لكن ابليس بالوهم خدعنى ، خلانى أبيع
اول ما سبتك سابنى وباعنى، كان فاكرنى هضيع
انا جاى واثق عندى ايمان هرجع وتاخدنى بالأحضان

اسمك بإيدى ده انا بغرق وبنادى عليك
وانت بتيجى دايماً للى بيلجأ ليك
(مرتين )

مبقتش قادر أغمض عينى ولا تهدا افكارى
تعبان قوى وحالتى صبحت فوق احتمالى
يا أبويا ومليش غيرك يرحمنى ويرأف بحالى ( ويرأف بحالى )

فيديو ترنيمة جايلك ندمان:

أكمل قراءة

كلمات ترنيمة واخد على خاطرك - ترانيم فيديو ومكتوبه - المرنم أندرو أكرم

كلمات ترنيمة واخد على خاطرك مكتوبه:

أنا نفسى معاك تانى أتكلم ،

و أحكيلك جدا على وجعى ،

و أقولك على اللى بعيد عنك عشت أنا بقاسيه 

 و التعب النفسى اللى بعيشه ،

و الألم اللى تملى بحسه ،

و أعصابى السايبه من الجرى اللى سنين بجريه .

 أنا مجهد جدا مش قادر أتحرك قدام أو أخطى

أنا واخد موقف من نفسى علشان أنا سايبك بإرادتى 

أنا عارف إنك متضايق ، أو واخد جدا على خاطرك

أنا عارف إنى بقالى كتير معملتش حاجة عشان خاطرك.

انا كنت بحاول أبان جانبك لمجرد أقلل من خوفى ،

و وهمت انا روحى إنك عندى بكل الدنيا ،

أنا كنت مزيف مش صادق و بعاملك على قد ظروفى ،

أنا كنت بحبك بلسانى و فى قلبى مكانك ناس تانية .

فيديو ترنيمة واخد على خاطرك:

أكمل قراءة

كلمات ترنيمة مش على بالك - فريق صدى صوت - ترانيم مكتوبه وفيديو

كلمات ترنيمة مش علي بالك مكتوبه :

..

رغم إن إنت مبتقصرش معايا و حبك ليا واصلِّي ..

لِسّه بعانى بأسئلة دايمًا شاغله دماغي و لسه بَفَكّر ..

اللى سمحتلي بيه كان ليه و إيه قصدك فـ اللي بيحصلي ؟؟ ..

رابطانى الأسئلة و فضولي هيموتنى و نفسى أتحرر ..

أنا مش عايز ييجى الوقت اللي اضعف فيه تانى و أقولهالك ..

عايز أطمِّن قلبي فـ خوفُه و أحِسّك جمبى لو إتهزيت ..

نفسى أسَكِّت صوت بيقولي إن إنت نسيتنى و مش علي بالك ..

و أقدر اقول للدنيا بحالها إنه لا يمكن تبقي نسيت ..

..

عارف إنك مبتعملش حاجات للصدفه و كله لخيرى ..

علشان كده أنا نفسى ألاقي إجابة عشان أهدا و أرتاح ..

يا تفهمنى و أبطل أدوَّر علي حاجة توَقَّف تفكيرى ..

يا تعزينى عشان متعبش .. لوحدى أنا صعب أكون مرتاح ..

..

أنا مش عايز ييجى الوقت اللي اضعف فيه تانى و أقولهالك ..

عايز أطمِّن قلبي فـ خوفُه و أحِسّك جمبى لو إتهزيت ..

نفسى أسَكِّت صوت بيقولي إن إنت نسيتنى و مش علي بالك ..

و أقدر اقول للدنيا بحالها إنه لا يمكن تبقي نسيت ..

..

أنا محتاج جداً لسلامك و يمكن مش محتاج حاجه غيره ..

لو راح منى أنا صعب أعدِّي و وارد إنى أضعف و أنهار ..

الأيام عماله تجيب و تودّي فـ خوف و الخوف ده مسيره ..

يكبر جوه الدايره بتاعتي و أخسر لو سبتنى محتار ..

..

أنا مش عايز ييجي الوقت اللي اضعف فيه تاني و أقولهالك ..

عايزك تبقي مطمِّن قلبي و أحِسَّك جمبي لو إتهزيت ..

و أبقي مصدّق مهما يقولوا إن إنت نسيتني و مش علي بالك ..

و أقدر أقول للدنيا بحالها إنه لا يمكن تبقي نسيت ..

فيديو ترنيمة مش على بالك - فريق صدى صوت :

أكمل قراءة

كلمات ترنيمة عليك تختار - فريق صدى صوت - ترانيم مكتوبه وفيديو

كلمات ترنيمة عليك تختار مكتوبه:

غلط كتير اوى علشان ميتقلشي عليك عيل 

عشان مش عايز اللى معاك يقولوا جبان ولا قليل 

عشان تفضل بتشبههم ... و يفضل ليك مكان بنهم 

غلط خلاص ؟ بقيت منهم ؟ ... هترج ولا هتكمل 

و متقولش بقى المرة دى .. دة العادى و دة حال الناس 

مافيش حاجة اسمها عادى ... و ماتبصش لحال الناس 

ماتتحججش بغلطهم .. انت المفروض تغلطهم 

فى حاجة اسمها تمييز و فى حاجة اسمها احساس 

عليك تختار 

يا تبقى شمال يا تبقى يمين 

ربنا مش بيحب الوقفة البايخة مابين السكتين

ربنا مش بيحب يشوفنا عين فى الجنة و عين فى النار 

عليك تختار 

يا تبقى معاه يا تبقى عليه 

ربنا عمر ما كانت قيمته ساعة ليك و ساعة ليه 

يا تبقى ضلمة يا تبقى نور الموضوع محتاج لقرار

فيديو ترنيمة عليك تختار :

أكمل قراءة

كلمات ترنيمة رب الأزمات - فريق صدى صوت - مكتوبه وفيديو

كلمات ترنيمة رب الازمات مكتوبه:

كل ما تحصل حاجة تبيين ان النهايات ع الابواب 

بيتك بيكون مليان ناس من عند الهيكل للباب

كلنا بنخاف على نهايتنا و نراجع نفاصيل حكايتنا 

و بعد الدنيا ماتهدا بنهدا و بنلاقى لبعدنا اسباب

كلنا اة بنخاف لانقبلك على غفلة لو مش جاهزين 

كلنا وقت الخضة بنبقى كويسين و قريبين

بس لما الخوف يقل بنبتدى نمل الحكاية 

نرجع تانى نسيب اماكنا و كراسيينا يرجعوا فاضيين

لا بنتعلم ولا بنحرم .. ولا استفدنا من اللي فات

شايلينك دايماً للصعبة .. وكأنك رب الازمات

رب الموقف رب اللحظة .. ومافيش عين جوانا ملاحظة

إننا مش ثابتين على حالة وغاوين إعادات الغلطات

كلنا اة بنخاف لانقبلك على غفلة لو مش جاهزين 

كلنا وقت الخضة بنبقى كويسين و قريبين

بس لما الخوف يقل بنبتدى نمل الحكاية 

نرجع تانى نسيب اماكنا و كراسيينا يرجعوا فاضيين

عايزين نتعلم نرجعلك .. من غير ماتحركنا ظروف

من غير دم وقتل ونار .. من غير مايرجعنا الخوف

مش لازم نرجع بالأزمة .. الحب الوقتي مالوش لازمة

الحب الشكلي مابيعيش و دايماً لية آخر معروف

خلينا قد ان احنا نقابلك .. على غفلة .. ونكون جاهزين

نكون معاك علشان بنحبك .. مش معاك علشان خايفين

إيماننا مايبقاش بيقل .. أو بيزيد على حسب الحالة

وزي ماعايزين نبقى شهدا ..  يبقى نعيش قديسين

فيديو ترنيمة رب الأزمات :

أكمل قراءة

كلمات ترنيمة يا إللي مش لاقي لحياتك أي معنى - أيمن كفرونى - مكتوبه وفيديو

كلمات ترنيمة يا إللي مش لاقي لحياتك أي معنى مكتوبه:

ياللي مش لاقي لحياتك اي معنى 

ايوه عايش بس عيشة بطعم موت 

كل ما تفوق من جراحك تلقى طعنة 

و الصراخ مكتوم في قلبك ماله صوت 

و الألم باين عليك و الندم مالي عنيك 

قوم تعال للي حبك قوم تعال للمسيح 

بص للي قدم حياته عشان تعيش 

دي الحياه من غير الهك متساويش 

صدقني متساويش 

صوت ضعيف و أنّه طالعة زي آهه 

مش سامعها حد من الناس اللي جنبك 

بتحاول تكتمها ليه و تدوس عليها 

الحقيقة إنك لابد تبوح بقلبك 

بص للي قدم حياته عشان تعيش 

دي الحياه من غير الهك متساويش 

صدقني متساويش 

و الألم باين عليك و الندم مالي عنيك 

قوم تعال للي حبك قوم تعال للمسيح

فيديو ترنيمة ياللى مش لاقى لحياتك أى معنى :

أكمل قراءة

كلمات ترنيمة فين المعنى فى حياتى - فريق الرسالة - مكتوبه وفيديو

كلمات ترنيمة فين المعنى فى حياتى مكتوبه :

فين المعنى فى حياتى .. دايرة وقفت ساعاتى

وخايف أيوه خايف من الجاى

تهت فى دايرة غريبة .. فى وهم وأتاريه حقيقة

مش عارف أنا ميت وللا حى

عايز أرجع يا شمسى .. ألقى ماضيا منسى

أرجع أكون نفسى .. أكون إنسان

من غيرك أقوى منى .. أقوى من اللى بيبعدنى

ويردنى ياربى للامان

سامحنى لو رفضتك .. لو فى مرة عاندتك

كان عقلى يا رب غايب مش فى الوعى

قوللى لسة بحبك .. قولها وسيبنى فى حضنك

رجعنى أحب الناس وأشوف الضى

فيديو ترنيمة فين المعنى فى حياتى:

أكمل قراءة

كلمات ترنيمة بجد مفيش - فريق إلمس إيدينا - مكتوبه وفيديو

♫ كلمات ترنيمة بجد مفيش مكتوبه ♫

◄بتجري بيا ايامي ولا بتصبر ولا تهدي.. وبين تأجيل وحال بيميل سنين العمر بتعدي.. و اقول بكرة هاكون احسن.. وبكرة بتاعي مبيجيش.. وبقيت كل احلامي اقوم وارمي عذاب بعدي.. وكل ما اقوم بقع مهزوم.. بدون اصرار ولا تحدي.. و برجع للهموم واحزن وادور علي الامل ملاقيش

◄بجد مفيش معين غيرك هيحميني من اليأس اللي ماليني.. انا عايزك تنجيني انا جهدي مينفعنيش بجد مفيش ايدين تاني هتشفيني ايدين تعبت في تكويني.. بامكانك تحليني كأن العار مشوهنيش

◄بتهرب منى دمعاتى وتنزل تجرى فوق خدى و ببكى كتير بدون تفسير كأن دموعى جت ضدى و رغم ده كله بتحمل عشان حزنى ميقتلنيش و اعافر كل اوقاتى و مبقاش فيه هدف عندى غير انى ارضيك و اقرب ليك و لو يحصل هكون مرضى , ضعيف او محنى راح اكمل دنا ميت و نفسى اعيش

◄بشوف النسر فوق عالى و انا مرمى على ارضى بشوفه و اغييير و بحلم اطير لكن حلمى اوام يمضى ,مفيش نسر بجناج مطوى ,جناح لكن مبيعليش و بتندم على حالى و اقول خلينى على قدى

لكن و انا بيك و ماسك فيك راح اعلى لانى مش وحدى انا جايلك يا رب اطوى سنين بعدى و متسبنيش

♫ فيديو ترنيمة بجد مفيش ♫

أكمل قراءة

كلمات ترنيمة جرب الاحساس بنفسك - فريق إلمس إيدينا - مكتوبه وفيديو

♫ كلمات ترنيمة جرب الاحساس بنفسك مكتوبه ♫

► مش هتلقى زي عينه

اللي بتشوف الخطاة

ابن تاه لازم يرده

► مش هتلقى زي قلبه

قلب تاني في الحياة

يقدر انه يحب قده

► مش هتلقى غير يسوع

حد هيحافظ عليك

من اي شئ ممكن يمسك

► مش هتلقى في يوم وتعرف

الا لما تختبر

وتجرب الاحساس بنفسك

► استني جنبه وماتفرقشي

انت سايبه وماشي ليه

حد لاقي الحب ده

► امتي هتفهم انك انت

وانت جنبه اقوي بيه

ولوحدك اضعف من كدا

♫ فيديو ترنيمة جرب الاحساس بنفسك ♫

أكمل قراءة

كلمات ترنيمة فى ألف ذكرى - فريق إلمس إيدينا - مكتوبه وفيديو

♫ كلمات ترنيمة في الف ذكرى مكتوبه ♫

► في الف ذكرى سابوا وجع 

وانت بحنان جيت وداويت 

انت ابويا وصاحبي الجدع

بارتاح يارب وانا بين ايديك

► مافيش حاجة مضيقاني بتحميني 

ومش خايف ولا قلقان

بارتاح يارب في حضورك ويكفيني 

شعوري بالهدوء التام

► علي فكرة وانا وياك 

بحس امان وراحة بال

وفي عز شعوري بالضيقة

مابتسبنيش اكون تعبان

♫ فيديو ترنيمة في الف ذكرى ♫

أكمل قراءة

كلمات ترنيمة روحى فرحانة - فريق إلمس ايدينا - مكتوبه وفيديو

♫ كلمات ترنيمة روحى فرحانة مكتوبه ♫

► مش زعلان انا مش مهزوز ولا قلقان 

مهما كان بعرف احس معاك بإمان

فاكر ليك خير ياما انا شفته علي ايديك

وعلي ايديك ياما زمان عديت احزان

► روحي فرحانة وسلامي مش بيروح

انا روحي فرحانة وكفاية فرح الروح

► مش بنساك عيني في كل مكان شايفاك

ماشي وراك رايح جاي يارب معاك

ماسك فيك مطمن وانا حاسس بيك

شكرا ليك انا احسن اوي وانا وياك

♫ فيديو ترنيمة روحى فرحانة ♫

أكمل قراءة

كلمات ترنيمة كبرت في حضنه - فريق إلمس إيدينا - مكتوبه وفيديو

♫ كلمات ترنيمة كبرت في حضنه مكتوبه ♫

► كبرت في حضنه من صغري

واتعودت اعيش وياه

مانمتش ليلة متضايق ولا مهموم

► مافيش غيره بيفهمني

ومش باطمن الا معاه

وبينا حب مايهونشي عليا في يوم

► ماداقش الفرحة والراحه

ولا اطمن وعاش في امان

اللي ماسابلهوش كل الامور في ايديه

► اكيد شال ياما فوق طاقته

ويتهيألي عاش تعبان

لان الحلو مابيكملش يوم غير بيه

► ولو مرة بعدت في يوم

بحُكم العشرة بيجيلي

وياخد ايدي ويقومني من اللي انا فيه

► انا عارف ومتأكد

ماحدش كان بيحكيلي

ده واقع شفته بعنيا وبحكي عليه

♫ فيديو ترنيمة كبرت في حضنه ♫

أكمل قراءة

كلمات ترنيمة علبة خشب - فريق المس ايدينا - مكتوبه وفيديو

♫ كلمات ترنيمة علبة خشب مكتوبه ♫

► علبة خشب ماكنش ليها اي قيمة في الحياة

وجه صاحبها بين كراكيب متربة وخدها معاه

وبلمسته نطقت ملامحها اوي فرقت كتير

لو هي حاسه ماكنتش لحظة اتخيلت حجم التغير

► بقت كمانجه وبمزيكتها

ناس كتير اتغيرت

بقى ليها قيمه مش علبه فاضيه

كانت في بدروم واترمت

► علبه خشب فضلت سنين مركونه بين اربع حيطان

طول عمرها مقفول عليها لوحدها فاقده الامان

ولما انت جيت خليت في لحظة الموت يعيش ويكون حياه

كان وجودك شئ ضروري عشان صعوبة الايام

♫ فيديو ترنيمة علبة خشب ♫

أكمل قراءة

كلمات ترنيمة شفانى - ترانيم فريق المس ايدينا مكتوبه وفيديو

♫ كلمات ترنيمة شفانى مكتوبه ♫

► وسط الالم كان بيساندني

طول الوقت مش سايبني

كنت حاسس كلمة ابني

صوت مالي هدوء المكان

► شفاني شفى جرحي وجه قواني

اداني فرصة عمر تاني

وسط الموت شفته قدامي

وحسسني بامان

► اسالوا كل الناس عليه

نوره مالي كل الحياة

قولوا للاعمي حس ايه

لما جه بنفسه وشفاه

♫ فيديو ترنيمة شفانى ♫

أكمل قراءة

كلمات ترنيمة الحلم حياة - فريق المس ايدينا - مكتوبه وفيديو

♫ كلمات ترنيمة الحلم حياة مكتوبه ♫

► شيل الهموم مش بيهدي

والصعب وقت وهيعدي

قدف قصاد موجك عدي

سيبها على الله

► ارمي الحمول تعرف تمشي

ونام لان اللي مانامشي

طبيعي انه مايحلمشي

والحلم حياة

► بصتنا لورى بتوقعنا وتسرق ايام

ثبت نظرك على اللي بيقدر يدينا سلام

وان تقلت شيلتك روح بيها وسلم ليسوع

التسليم ايمان مش ضعف وخوف واستسلام

► في ناس بتفضل تحسبها

مش راضيه ابدا بنصيبها

ناسيه انها في يوم هتسيبها

لو بعد زمان

► وناس بتفرج بقليلها

وبترضى قوي باللي يجيلها

مرتاحة عارف تنام ليلها

وتلاقي امان

♫ فيديو ترنيمة الحلم حياة ♫

أكمل قراءة

كلمات ترنيمة اعتبره صاحبك - فريق إلمس ايدينا - مكتوبه وفيديو

♫ كلمات ترنيمة اعتبره صاحبك مكتوبه ♫

◄ اخدت رأيه ؟ فهمت ايه هي ارادته

وهو عايزك تبقي ايه

طب كنت فكر وجوده فعلا كان مأثر

كان ضروري ولا ايه

◄ هو نفسه العمر كله تبقى جنبه

تخيل الاحساس ده ايه

لما اب يبقي نفسه تكون في حضنه

وانت ترفض تبقى فيه

ربنا ربنا بيحبنا

◄ اعتبره صاحبك احكيله قوله ايه مشاكلك

ايه مدايقك حاسس ايه

ماتسيبش حضنه اصل احساس انك ابنه

احلى احساس حس بيه

♫ فيديو ترنيمة اعتبره صاحبك ♫

أكمل قراءة

كلمات ترنيمة قالوا الفراق - فريق إلمس ايدينا - مكتوبه وفيديو

♫ كلمات ترنيمة قالوا الفراق - مكتوبه ♫

► قالو الفراق عن اغلى حد كأنه موت

لما بتسكت الحياة من اي صوت

انت السبب بس في حلاوة كل شئ

سبب رئيسي اني بس اعيش مبسوط

► من غير وجودك حاسس اني اتخنقت

بقت الحياة بالنسبة ليا بس وقت

انكساري ووحدتي حصله عشان

لما بعدت يارب عنك وافترقت

► بنشوف حقيقة عمرنا لما بنمشي

مين فينا من كتر القلق خاف ومانمشي

مين فينا مش محتاج اديك

مليون سبب خلوني مشتاق اني اجيلك

احساس السند والضهر اللي بيحاميلك

احساس غلاوتي اللي في عنيك

► كبريائي كان سبب اني مشيت

وفضلت خايف لما مابقاش ليا بيت

شعوري بالوحدة عشان مابقتش جنبك

انا من زمان ماجيتش ليك ولا حكيت

► دلوقتي راجع ليك يارب عايز ابقي حر

مطفي ومخنوق وقتي بيعدي وبيمر

مستحيل يارب من غير اعيش

راجع عشان كل اللي عايشة بس عمر

♫ فيديو ترنيمة قالوا الفراق - فريق إلمس ايدينا ♫

أكمل قراءة

كلمات ترنيمة كل سنة وأنا خدامك، بارفع اسمك ومقامك - مكتوبه وفيديو

كلمات ترنيمة كل سنة وأنا خدامك، بارفع اسمك ومقامك مكتوبه:

+كل سنة وأنا خدامك .. بارفع اسمك ومقامك

نفسي ليك يا إلهي .. ولساني يشهد لجلالك

كل سنة وأنت حبيبي .. تاج لراسي ونصيبي

خاضع ليك يا إلهي .. ولا يغلى عليك أبداً طيبي

القرار: يوم ورا يوم حاسس بإيديك .. سانداني وحرساني عينيك

قلبي بيهلل ويقول .. كل سنة يا يسوع وأنا ليك

+ كل سنة وأنت بداية .. فرحي فيك ماله نهاية

عمري معاك يا إلهي .. أحلى غنوة ورواية

كل سنة وأنت معايا .. مالي حياتي ودنيايا 

حبك ليَّ يا إلهي .. يسبيني ويكون لي كفاية

+ كل عمري راح أشهد ليك .. حافظ عهدك ثابت فيك

روحك فيَّ يا إلهي .. يرويني ويفيض على أراضيك 

+ كل سنة وأنا خدامك .. كل سنة وأنت حبيبي

كل سنة وأنت بداية .. كل سنة وأنت معايا

فيديو ترنيمة كل سنة وأنا خدامك، بارفع اسمك ومقامك:

أكمل قراءة